மார்ச் 14,2008

இனி என்ன ஆகும்?

இதுதான் இப்போதைய மில்லியன் டாலர் கேள்வி….தற்போதைய சூழலில் சந்தைகள் நமக்கு இப்போது தரும் ஒரே தெளிவான செய்தி…அடுத்த சில நாட்கள்/வாரங்களுக்கு வலுவான கரடிகளின் ராஜ்ஜியம்தான் என்பதே….

சந்தையின் ஒவ்வொரு சிறிய உயரத்தின் போதும் கண்ணை மூடிக்கொண்டு கையிருப்புகளை விற்று விட்டு கீழிறங்கும்போது வாங்குவதே சிறந்த குறுகிய கால வர்த்தக உத்தியாக இருக்க முடியும்.

நேற்றைய சந்தையில் மும்பை சென்செக்ஸ் ஜனவரி மாதத்தைய கீழ் நிலைகளை தொட்டு மீண்டிருக்கிறது….அடுத்த சில தினங்களில் தேசிய நிஃப்டி, மும்பை சென்செக்ஸ் இரண்டுமே இந்த நிலைகளுக்கு கீழ் வெகுவேகமாய் நழுவிச் செல்வதை பார்க்க முடியும். இன்றைக்கு வெளியாகும் பணவீக்க விகித விவரங்கள் மேலும் உயர்வடையுமானால்….இன்றே அந்த நிலைகளை பார்க்கலாம்.

சரி இந்த சரிவுகள் எங்கேதான் போய் நிற்கும், என பார்த்தோமானால் கொஞ்சம் அதிர்ச்சியாகத்தான் இருக்கிறது. Elliott Waves Theory யின் படி தற்போது நமது சந்தை நிலவரத்தை Big ‘C’ Down wave என்லாம். இதன் படி சரியும் பட்சத்தில் தேசிய நிஃப்டி 3636 வரை கீழிறங்க வாய்ப்பிருக்கிறது. இது வரையில் இந்த C wave கச்சிதமாய் சந்தையை கீழ் நகர்த்தி வருகிறபடியால்….3636 களை எட்டுவதற்கான சாத்தியங்களை மறுப்பதற்கில்லை.

இதை உறுதிசெய்யும் வகையில் மற்றொரு நிதர்சனத்தை சுட்டிட விரும்புகிறேன்….அதாவது சர்வ்தேச சந்தைகள் அனைத்துமே தற்போது அக்டோபர்/நவம்பர் 2007 நிலைகளில் பலவீனமாய் இருக்கிறது. ஆனால் நமது சந்தைகள் இன்னமும் ஜனவரி 2008 நிலைகளில் ஊசலாடிக்கொண்டிருப்பதை பார்க்கும் போது…விரைவில் நமது சந்தைகளும் அந்த நிலைகளுக்கு கீழிறங்குவதை தவிர்க்கமுடியாது என்றே தோன்றுகிறது.

அமெரிக்க சந்தைகள் ‘Flat with +ve signals’ உடன் முடிவடைந்திருக்கின்றன. வரும் மார்ச் 18ம் தேதி வரை அமெரிக்க சந்தைகளில் பெரிதாய் மாற்றங்கள் இருக்காதென்றே நினைக்கிறேன். தற்போது துவங்கியிருக்கும் ஆசிய சந்தைகள் மேல்முகமாய் இருக்கின்றன. ஒரு வேளை ஆசிய சந்தைகள் மேலும் உயரும் பட்சத்தில் இன்றைய நமது சந்தையின் சரிவுகள் கட்டுக்குள் வரும் வாய்ப்புகள் இருக்கின்றன.

இன்றைய சந்தையில்…

தேசிய நிஃப்டி 4506 – 4770 க்கு இடையில் ஊடாடும்.

மும்பை சென்செக்ச்ஸ் 14942 – 15775 க்கு இடையில் ஊடாடும்.

பொதுவில் இம்மாதிரியான தினங்களில் சந்தையை விலகியிருந்து வேடிக்கை பார்ப்பதே நல்லது. தினவர்த்தகம் செய்வதற்கான பங்குகளை கடந்த இரு தினங்களாய் பகிர்ந்து கொண்டிருக்கிறேன்…..அந்த வரிசையில் இன்று கீழ் கண்ட பங்குகளை கவனியுங்கள்….

உயரும் பங்குகள்…
ADSL, BAJAJAUTO, HORIZONINF

கீழிறங்கும் பங்குகள்
KOUTONS, ORCHIDCHEM, SUNPHARMA, TATAMOTORS

தின வர்த்தகம் செய்வதற்கான நிலைகளை திங்கள் முதல் தருகிறேன்.தற்போது நாளின் நெடுகில் இந்த பங்குகளின் செயல்பாடுகளை கவனியுங்கள்….

About these ads