Get $6.00 Welcome Survey After Free Registration!

கடந்த வாரத்தில் மட்டும் நமது சந்தைகள் 8% – 9.2% வரை உயர்ந்திருக்கின்றன.  வெள்ளியன்று கடைசி மணிநேரத்தில் ஏற்பட்ட உயர்வானது, பரஸ்பர நிதியங்கள்  பெருமளவு பங்குகளை வாங்கியதால் ஏற்பட்டது.இதனால் மட்டுமே நமது சந்தைகள் இன்று முதல் காளைகளின் கட்டுப்பாட்டில் வந்துவிடும் என்கிற மாதிரியான செய்திகளை நம்பவேண்டாம்.

என் வரையில் இது ஆப்பரேட்டர்கள் எனப்படும் சூதாடிகளால் சிறிய மற்றும் நடுத்தர முதலீட்டாளர்கள்/வர்த்தகர்களுக்கு விரிக்கப்பட்ட வலையாகவே பார்க்கிறேன்.இன்றைய சந்தை பெரிய Gap up உடன் துவங்கினால் இது உறுதிசெய்ப்படும்.

தற்போதைய சந்தையின் மீட்சியினை Relief rally என்ற அளவில் மட்டுமே பார்த்திட வேண்டும். தேசிய நிஃப்டியில் 20DMA(Daily Moving Average) வான 4845 வலுவான Support level ஆக இருக்கும். அதே வகையில் 50DMA(Daily Moving Average)  5082 , மற்றும் 200DMA(Daily Moving Average)  5103 இந்த நிலைகள்  மிகவும் வலுவான  Resistance level ஆக இருக்கும்.

ஒரு வேளை தேசிய நிஃப்டி 5082 களில் தடுமாறினால் தேசிய நிஃப்டி கடந்தவாரத்தின் குறைவு நிலையான 4,540 நோக்கி சரியும் அபாயம் இருக்கிறது. 5100 க்கு மேல் நிலைப்படுமானால் வரும் நாட்களில் சந்தை மேலும் உயரங்களை எட்டிடும் வாய்ப்புகள் நிறையவே இருக்கிறது.

அடுதத இரண்டு மூன்று தினங்களுக்கு சந்தைகள் இந்த நிலைகளை எப்படி கையாளுகிறது என்பதை பொறுத்தே சந்தையின் அடுத்த கட்ட நகர்வினை தீர்மானிக்க இயலும். இதுதான் நிதர்சனம்.

வெள்ளியன்று முடிவடைந்த அமெரிக்க சந்தைகள் அத்தனை சுகமில்லை. தற்போது துவங்கியிருக்கும் ஆசிய சந்தைகள் கீழிறங்கியே காணப்படுகின்றன. நாளின் நெடுகில் இவை உயரலாம்.

இன்றைய சந்தையில்….

தேசிய நிஃப்டி 4780 – 5033 க்குள் ஊடாடுமென எதிர்பார்க்கலாம்.

மும்பை சென்செக்ஸ் 15870 – 17171 க்குள் ஊடாடுமென எதிர்பார்க்கலாம்.

நீண்ட கால முதலீட்டாளர்கள் தங்கள் முதலீடுகளை துவங்க இது சரியான தருணமாய் இருக்கும்….தாங்கள் முதலீடு செய்ய உத்தேசித்துள்ள தொகையில் முதல் 25% விழுக்காட்டினை இந்த வாரத்தில் செய்யலாம். நீண்ட கால முதலீட்டு குறிப்புகளை *இங்கே காணலாம்.

தினவர்த்தக குறிப்புகள்* இங்கே

இன்று இந்த நிதியாண்டின் கடைசி நாள், மிகப்பெரிய சோதனைகளை தந்த ஆண்டு. புதிய ஆண்டினை நாளை நம்பிக்கையுடன் எதிர்கொள்வோம்….வாழ்த்துகள்

---

*- எனது தமிழ் மற்றும் ஆங்கில வ்லைப்பதிவினை பயன்படுத்துவோருக்கான வர்த்தக குறிப்புகளுக்கென தனியே http://paisaavasool.blogspot.com என்கிற புதிய வலைபதிவினை ஏற்படுத்தியிருக்கிறேன். இனி வரும் நாட்களில் எனது வர்த்தக பரிந்துரைகள் இந்த தளத்தில் இடம்பெறும். பிற இடங்களில் இருந்து பெறப்படும் தகவல்கள் ஆங்கில வலைப்பதிவில் வழமை போல பகிர்ந்து கொள்ளப்படும். இந்த வலைபதிவில் இடம்பெற்றிருக்கும் விளம்பரங்களை நீங்கள் சொடுக்கி பார்வையிடுவதன் மூலம் ஈட்டப்படும் விளம்பர வருவாய் என்னை மேலும் உற்சாகப்படுத்தும். ஒத்துழைப்பிற்கு நன்றி.

---

விளம்பரம்