Get $6.00 Welcome Survey After Free Registration!

நேற்றைய பதிவில் குறிப்பிட்டவாறே தேசிய நிஃப்டி 4840-4880 க்களில் Selling pressure தாளாமல் சரிந்தது. சர்வதேச சந்தைகளின் தாக்கம் இத்தனை வலுவாயிருந்தும் நமது சந்தைகள் ஈடுகொடுக்க இயலாதது நமது பலவீனத்தினை மேலும் உறுதி செய்கிறது.

தற்போதைய நிலையில் தேசிய நிஃப்டியில் 4954 என்கிற இலக்கு மிக முக்கியமானதாக இருக்கும். இந்த நிலையை கடக்காதவரையில் சந்தையில் எவ்வித முன்னேற்றத்திற்கும் வாய்ப்பில்லை என்பதுதான் உண்மை. சந்தையின் பலவீனம் ஊர்ஜிதப்படுத்தப் பட்ட நிலையில் இன்று ஆப்பரேட்டர்கள் எனும் சூதாடிகள் சந்தையை உயர்த்திக் காட்டி சிறிய மற்றும் நடுத்தர முதலீட்டாளர்களை கபளீகரம் செய்யும் வாயப்புகளை மறுப்பதற்கில்லை. கவனம் தேவை…

ஒவ்வொரு சிறிய உயரமும் மோசமான சரிவுகளை தருமென்பதால், உயரங்களில் கையிருப்புகளை விற்று கீழிறங்கும் போது வாங்குவதே புத்திசாலித்தனமான உத்தியாக இருக்கும்.

தற்போதைய நிலையில் தினவர்த்தகம் மட்டுமே சாத்தியம்…..அதுவும் மிக கவனமாய் செய்யப்படுதல் அவசியம். சிறிய மற்றும் துவக்க நிலை வரத்தகர்கள் இன்றைக்கு விலகியிருப்பதே நல்லது. Wild swing எனப்படும் மேடுபள்ளங்களை இன்றைய சந்தைகள் சந்திக்க வாய்ப்பிருக்கிறது.

அமெரிக்க சந்தைகள் கடந்த இரு தினங்களில் மட்டும் 5% வரை உயர்ந்திருக்கின்றன, DOW பொறுத்தவரையில் 12600 என்பது மிக முக்கியமான நிலை, இந்த நிலையில் Selling pressure உருவாகுமென எதிர்பார்க்கிறேன்…அவ்வாறானால் அடுத்த இரு தினங்களில் அமெரிக்க சந்தைகள் சரியும் வாய்ப்புகளை மறுப்பதற்கில்லை.

எதிர்பார்த்ததை போலவே அமெரிக்க Dow 12600 களில் சுணங்கியிருக்கிறது. முடிவடைந்திருக்கும் அமெரிக்க சந்தைகள் flat wiith -ve signals எனலாம். தற்போது துவங்கியிருக்கும் ஆசிய சந்தைகளும் இதே போக்கினை தொடர்கின்றன.

இன்றைய சந்தையில்….

தேசிய நிஃப்டி 4615 – 4830 க்குள் ஊடாடும்.

மும்பை சென்செக்ஸ் 15090 -16040 க்குள் ஊடாடும்.

*தினவர்த்தக குறிப்புகள்  இங்கே…..
(இம்மாதிரியான அசாதாரன சூழ்நிலகளில் சந்தையின் கட்டுக்குள் அடங்கும் வர்த்தக குறிப்புகளை மட்டும் பயன்படுத்தவும். நிலைகளை மீறிய குறிப்புகளை தவிர்க்கவும்.)

---

*- எனது தமிழ் மற்றும் ஆங்கில வ்லைப்பதிவினை பயன்படுத்துவோருக்கான வர்த்தக குறிப்புகளுக்கென தனியே http://paisaavasool.blogspot.com என்கிற புதிய வலைபதிவினை ஏற்படுத்தியிருக்கிறேன். இனி வரும் நாட்களில் எனது வர்த்தக பரிந்துரைகள் இந்த தளத்தில் இடம்பெறும். பிற இடங்களில் இருந்து பெறப்படும் தகவல்கள் ஆங்கில வலைப்பதிவில் வழமை போல பகிர்ந்து கொள்ளப்படும். இந்த வலைபதிவுகளில் இடம்பெற்றிருக்கும் விளம்பரங்களை நீங்கள் சொடுக்கி பார்வையிடுவதன் மூலம் ஈட்டப்படும் விளம்பர வருவாய் என்னை மேலும் உற்சாகப்படுத்தும். ஒத்துழைப்பிற்கு நன்றி.

---

விளம்பரம்