1.Fundamental Analysys 2.Technical Analyss

திமிங்கில வேட்டை – பாகம் இரண்டு

எங்கே என் தேவதை…

நீண்ட இடைவெளிக்கு பின்னர் தொடர்கிறேன்….

பங்கு சந்தைகளின் அடிப்படைகள், பங்குகளின் வகைகள், பங்குகளின் பரிவர்த்தனைகள் பற்றியெல்லாம் முந்தைய பதிவின் இனைப்பில் இருந்து தெரிந்துகொண்டிருப்பீர்கள் என்கிற நம்பிக்கையில் தொடர்கிறேன்….அது குறித்து உங்களுக்கு ஏதேனும் சந்தேகமிருந்தால் பின்னூட்டமிடுங்கள்…..

சரி, இனி பங்கு வர்த்தகத்தில் நுழைவதை பார்ப்போம்……

நீங்கள் ஒரு Demat account துவங்கி அதில் கொஞ்சமே கொஞ்சமாய் காசு போட்டு வைத்திருக்கிறீர்கள் என நினைத்துக் கொண்டு துவங்குகிறேன். ஏனெனில் இப்பொழுதெல்லாம் இந்த கணக்கை துவங்க வேண்டுமென நீங்கள் நினைத்தால் போதும் உங்களை தூக்கிக் கொண்டுபோய் கணக்கு ஆரம்பித்துக் கொடுக்குமளவிற்கு ஆட்களும் அவர்களிடையே போட்டியும் இருக்கிறது. இதில் இவர்தான் சிறந்தவர் என்று எவரும் இல்லை….எல்லோரும் ஒரே குட்டையில் ஊறிய மட்டைகள்தான். நிறையும் குறையும் கலந்தேயிருக்கிறது, அதனால் உங்களுக்கு பிடித்தவரிடம் அல்லது உங்களை பிடித்தவரிடம் கணக்கை துவங்கி கொள்ளுங்கள்.

அடுத்த கட்டம் தயாரிப்புகள்…..எதையும் செய்வதற்கு முன்னால் கொஞ்சம் முன் தயாரிப்புகள் இருப்பது நல்லதுதானே….

பங்கு சந்தையை ஆராய்வோமென கிளம்பினால் இரண்டு வார்த்தைகளை   அடிக்கடி கேட்க முடியும்…..

இப்போது ஒரு கதை, இதில் நீங்களதான் கதாநாயகன், கொள்ளை அழகுடன் தேவதையொருத்தி கடந்து போக உங்களுக்குள் மின்சாரம் பாய்கிறது…காதல் பித்து தலைக்கேறி……எப்படியாவது அந்த தேவதையின் கடைக்கண் பார்வையையையும், அவளின் காதலையும் பெற துடிக்கிறீர்கள். உங்களுக்கோ இதுதான் முதல் அனுபவம், அவசரப்பட்டு அரைவேக்காட்டுத்தனமாய் முயற்சித்து முதலுக்கே மோசமாகி விடக்கூடாதென்கிற பயமும் வந்துவிடுகிறது.

உங்கள் நண்பர் ஒருவரோ இதில் கரை கண்டவர், ஆலோசனை கேட்கிறீர்கள். அவரின் முதல் கேள்வி, அவளை பற்றி உனக்கு என்ன தெரியும்?,.உங்களுக்கோ உங்கள் தேவதையை பற்றி எதுவுமே தெரியாது…..என்ன ஒரு துரதிர்ஷ்டம்…

நண்பர் சொல்கிறார்…”முதலில் அவளை பற்றி விசாரித்துவிட்டு வா, நானும் என் வட்டத்தில் விசாரிக்கிறேன் என அனுப்பிவிடுகிறார்….நீங்களும் மாங்கு மாங்கென அவள் வீடு , தந்தை யார்?, என்ன செய்கிறார்கள், கூடப்பிறந்தவர்கள் இருக்கிறார்களா,எப்படி பட்ட குடும்பம், உங்களின் தகுதியும் அவர்களின் தகுதியும் எப்படி என உங்களுக்கு கிடைக்கிற விவரங்களை சேகரித்து அதெல்லாம் உங்களுக்கு திருப்தியாக படவே ஒன்றுவிடாமல் நணபரிடம் ஒப்பிக்கிறீர்கள்……

பொண்ணை பற்றி விசாரிச்சிட்டு வரச்சொன்னால் அவளின் குடும்பத்த பத்தி வந்து சொல்றீயேடா என சலித்துக்கொண்டே, அவர் பக்க தகவல்களை சொல்கிறார்….உங்களின் தேவதை முன் கோபி, பச்சை கலரும், அஜீத்தும்,பூனைக்குட்டியும் அவளுக்கு உயிர், இத்தனாம் நம்பர் பஸ்ஸில் இத்தனை மணிக்கு அவளை பார்க்கலாம், எந்த தருணத்தில் அவளை அனுகினால் சாதகமான பலன் கிடைக்குமென கூறி, அதற்கான வழி வகைகளையும் சொல்லி வாழ்த்தி அனுப்புகிறார்.

இந்த இடத்தில் கதையை முடித்துக்கொள்வோம்…வேறொரு சந்தர்ப்பத்தில் இந்த கதையை தொடர்வோம்…..

இந்த கதையின்….

தேவதைதான்…நீங்கள் வாங்க விரும்பும் பங்கு(Stock/Share)

நீங்கள் சேகரித்த குடும்பத்தின் தகவல்கள்தான் அடிப்படைகளின் ஆய்வு (Fundamental Analysys)

உங்கள் நண்பர் கூறிய தேவதையின் குணாதிசயங்கள்தான் நுட்பங்களின் ஆய்வு (Technical Analysys)

உங்களின் நண்பர்தான்….உங்களின் நுட்ப ஆய்வாளர் (Technical Analyst)

அதாவது…..வேண்டாம், நீங்கள் புரிந்து கொண்டதை பின்னூட்டமிடுங்கள்….

தொடர்வோம்…….